Суровински состав:

Шеќер, растителни масти, какао во прав, какао маса, млеко во прав, сурутка во прав, лецитин, природно идентични ароми.
Краток опис на технолошката постапка на изработка на "Полнето чоколадо":
Како прва фаза од технолошката постапка е подготовка на крем за полнење, кој се изработува во "погонот за крем" по слична постапка како и производите "Мултикрем", односно чоколадните смеси. Кремот за полнење се испушта од миксерот за хомогенизација и се префрла во апаратот за дозирање на крем за полнење. Кремот се одржува на одредена температура.
Во миксерот на машината за чоколадирање се наоѓа стопено и темперирано млечно чоколадо. Калапите се полнат со млечно чоколадо, а потоа се превртуваат на тресилката од машината за чоколадирање, така што на калапите останува тенок слој од чоколадо (горниот дел). Калапите се пуштаат низ тунелот за ладење, а по нивното излегување од тунелот истите се полнат со крем за полнење со помош на апаратот за дозирање на крем за полнење. Калапите потоа се дополнуваат со чоколадо на машината за чоколадирање и се пуштаат на лентата од тунелот за ладење. По ладењето на одредена температура, полнетото чоколадо се истресува од калапите и се пакува во соодветна амбалажа.